آغاز نوجوانوں میں انٹرپرینیورشپ اور ذاتی کاروبار کو فروغ دینے کے لیےتحریک پیدا کرتا ہے۔ معاشی ترقی کی سست رفتاری اور نئی نوکریاں پیدا کرنے کے لیے آغاز کو پی ایس ڈی ایف میں تمام سکلز کی ٹریننگز کے لیے مرکزی مقام حاصل ہے۔

کامیاب جوان اسکیم کے تحت پی ایس ڈی ایف نے حبیب بینک لمیٹڈ (ایچ بی ایل) کے ساتھ خصوصی پارٹنرشپ کا معاہدہ کیا ہے تاکہ نوجوانوں کو قرضوں کے حصول کے لیے تیار کیا جاسکے۔ پی ایس ڈی ایف نے انٹرپرینیورشپ پر ایک آن لائن ٹریننگ پروگرام کا آغازکیا ہے۔ تمام امیدواروں کو قرض کے لیے درخواست دینے سے پہلے اس آن لائن ٹریننگ پروگرام سے گزرنا ہوگا۔ اس ٹریننگ پروگرام کے نتیجے میں ہر ٹرینی نے حبیب بینک کی ضروریات کے مطابق بزنس پلان تیار کیا ہے۔ پہلے مرحلے میں ایچ بی ایل پانچ ہزار پی ایس ڈی ایف ٹرینیز کو قرض فراہم کرے گا

آغاز کے تحت ایک اور اقدام انٹرپرینیورشپ آن وہیلز ہے جو کہ اوبر اور اپنا بینک کے ساتھ انٹرپرینیورشپ کو ایڈریس کرنے کے لیے لایا گیا ہے تاکہ مارکیٹ کے ساتھ رابطہ قائم ہوسکے اور فاینانس تک رسائی فراہم کی جا سکے۔ پروگرام عام طور پر 14 ہفتوں تک جاری رہتا ہے جس میں دو ہفتے کلاس روم ٹریننگ کے ، چھ ہفتے پریکٹیکل ٹریننگ کے اور چھ ہفتے مارکیٹ روابط کے ہوتے ہیں۔ کلاس روم ٹریننگ میں اہم موضوعات کا احاطہ کیا جاتا ہے جیسے سڑک پر اخلاقیات ، ہراساں کرنے ، اور سڑک پر نشانات اور اس کے بعد عملی ٹریننگ دی جاتی ہے ۔